الثلاثاء، 26 أبريل، 2011

say cheese!


قالتها لى واحدة وقحة فى وشى:انتى بتطلعى وحشة أوى فى الصور!

بعد ان بكيت من جميع فتحات وجهى،اعترفت لنفسى اخيراً و بعد محاولات مضنية:

انا مبعرفش اتصور!

أقولها،لأنها أمر واقع.

كانت مسألة التصوير بالنسبة الى عقدة نفسية حقيقية منذ الطفولة،

مليش صورة عدلة سوى صورة اخذت لى فى السابعة من عمرى،بفيونكتين،

و ابتسامة بريئة شجاعة.

بعدها حاولت الف مرة،الف مرة ان اجيد الأمر،

لايمكن،ان زاوية فمى ترتعش،

و جسدى يتشنج و ابتسامتى تضمحل و تتيبس،

و اطبق فمى على اسنانى لا أعرف كيف اظهرها،

والصورة التى أراها فى المرآة ليست كالتى اراها فى الصور.

اننى لا استطيع الاسترخاء امام شئ،امام جماد

ان ابتسم لمجرد ان ابدو حلوة امام شئ و ان يلتقط تلك الحلاوة و يخزنها.

تهربت من مليون مناسبة اجتماعية و اغلقت الباب على نفسى،

لأننى أخاف من تلك اللحظة المرعبة التى تخرج فيها الكاميرا من جرابها،

و اضطر الى مواجهتها.

اخى قال لى:ان الموضوع يحتاج الى قدر من القدرة على التمثيل و الكذب،

الحقيقة ان كلنا نكذب و نمثل،انا لست ملاكاً

قلت له فى مرارة: الأمر يحتاج الى قدر من النرجسية و الثقة بالنفس،

وانا لا املك كلاهما بالنسبة لشكلى،رغم اننى لست سحلية ولا عفريتة،

لكن الثقة بالجمال ليس لها علاقة بالجمال نفسه على قدر ما لها علاقة بالاحساس بالجمال،

كما قال ايليا ابو ماضى،

و قد جرى تحطيم تلك الثقة عمداً منذ طفولتى حتى لا انشغل عن الدراسة.

ان الموضوع معقد،الثقة لا تكتسب ببساطة،

ربما انا اشعر بتلك الثقة-أو الغرور- بالنسبة لأفكارى و قناعاتى،

لكن للأسف لا توجد كاميرا للقناعات،

والا لكانت ابتسامة قناعاتى مذهلة!

هناك 4 تعليقات:

  1. أنا قعدت حوالي 10 سنين ما اتصورش خالص!
    بس في الآخر حصل نوع من المصالحة مع النفس
    الصورة زي ما تطلع
    هو ده أنا وخلاص

    ردحذف
  2. انا مش عاوزة آخد قرار تعسفى و اقول طظ هى الصور هتنفعنى بايه،شهوة تسجيل الزمن بتاخدنى و اقول زى ما تيجى تيجى و ساعات بتبقى كويسة يعنى،انما انا الموضوع عندى مش بسيط،بحسه محتاج شجاعة زى ماكون هاخد حقنة..!
    واضح ان مش انا بس اللى كده :)

    ردحذف
  3. دي مشكلة ناس كتيرة جدا كنت منهم من فترة برضه D:
    لغاية ما زهقت وبقيت ببوظ شكلي بمزاجي .. مرة واحدة بقت صوري حلوة

    ردحذف
  4. انا حاليا فى مرحلة تبويظ شكلى D:
    انا قالولى السر كله يكمن فى النظرة للكاميرا،لو عرفت اخلى نظرتى للكاميرا حلوة كأنى ببص فى المراية كله هيتظبط،انما طول مانا حاسة انى عبيطة انى بضحك لولا حاجة هتطلع عبيطة D:
    واضح ان احنا كتير اوى D:

    ردحذف