الجمعة، 8 أبريل، 2011

حتى لا ننسى! ذكرى مذبحة بحر البقر-الثامن من ابريل.






فى مثل هذا اليوم 8 ابريل من العام الحزين 1970

قامت اسرائيل الحلوة المتحضرة بقصف مدرسة اطفال فى الشرقية على سبيل الصياعة و اثباتاً لنظرية انا دكر،انا اقدر اعمل فيك اللى انا عاوزه،مدرسة بحر البقر المشتركة.

مدرسة من طابق واحد،3 فصول،150 طفل.

اسفر القصف الحنين عن موت 30 شخص منهم 20طفل و طفلة،و اصابة 50.

استخدمت اسرائيل طيارات فانتوم عشان تقصف مدرسة متر ف متر بحجة ان كان فيها سلاح،

وانا احب اقوله بروح امك لو كنت عايز تعرف كنت جندت اى مدرس بشلن،

او كنت قصفت مخزن السلاح المريب بالليل مش الساعة تسعة و تلت،

لكن الحقيقة انك سفاح!

لن ننسى،

ولن تنمحى من تاريخكم العفن!



***************

الدرس انتهى لموا الكراريس

بالدم اللى على ورقهم سال

في قصر الأمم المتحدة

مسابقة لرسوم الاطفال

ايه رايك في البقع الحمرا

يا ضمير العالم يا عزيزى

دى لطفلة مصرية سمرا

كانت من اشطر تلاميذى

دمها راسم زهرة

راسم راية ثورة

راسم وجه مؤامرة

راسم خلق جبارة

راسم نار

راسم عار

ع الصهيونية والاستعمار

والدنيا اللى عليهم صابرة

وساكتة على فعل الاباليس

الدرس انتهى

لموا الكراريس


(صلاح جاهين)


هناك تعليق واحد:

  1. المقال بتاعي ده انا نزلته علي المدونة يوم 8 إبريل صدفه بدون تعمد لليوم ده بالزات ولكن رب صدفه خير من 1000 ميعاد
    http://logic-emile.blogspot.com/2011/04/blog-post_07.html

    ردحذف